کورونا کی جنگ میں ساوتھ اسٹار نین تارا نے بڑھایا ہاتھ

ٹالی ووڈ ڈسک،6اپریل (اردو پوسٹ انڈیا ڈاٹ کام) ملک میں کورونا وائرس کے لگاتار کیس بڑھتے جارہے ہیں۔ کورونا وائرس کی جنگ کے حکومت نے پورے ملک میں لاک ڈاؤن کا اعلان کیا ہوا ہے۔ جسکی وجہ سے ملک کے کئی لوگوں کے کام ٹھپ ہوگئے ہیں۔ ذیادہ مشکل یومیہ مزدوروں کی ہے جو اپنے کام دھندے بند ہوتے ہی بالکل خالی ہوگئے ہیں۔ ایسی ہی حالت فلم ایمپلائز فیڈریشن آف ساؤتھ انڈیا (ایف ای ایف ایس آئی) کے تکنیکی ماہرین کا ہے جو ان دنوں ٹی وی سیریلس اور فلموں کی شوٹنگ کے بعد ہونے کی وجہ سے مصیبت کی مار جھیل رہے ہیں۔

ایسے میں کئی ساؤتھ سپر اسٹار رجنی کانت اور وجے سیتھوپاتھی کو سپورٹ بھی کیا ہے۔ان میں سپر اسٹار رجنی کانت اور وجے سیتھوپاتھی جیسے کئی اسٹارس ہیں جنہوں نے آگے بڑھ کر مدد کی ہے۔ انہی اسٹار کی لسٹ میں اب ساؤتھ کی مشہور اداکارہ نین تارا کا بھی نام جڑ گیا ہے۔ سامنے آرہی تازہ معلومات کی مانیں تو اداکارہ نے فلم ایمپلائز فیڈریشن آف ساؤتھ انڈیا کے تکنیکی لوگوں کی مدد کے لیے 20 لاکھ روپے کا عطیہ دیا ہے۔ اسکے بعد سے ہی اداکارہ کی کئی لوگ تعریف کررہے ہیں۔

ساؤتھ اسٹارس کی ہی بات کریں تو پی ایم کیئر فنڈ سے لیکر دوسرے فاؤنڈیشنس میں کئی اداکاراؤں نے آگے بڑھ کر عطیہ دیا ہے۔ رام چرن تیجا سے لیکر وجے سیتھوپاتھی ، این ٹی آر جونیئر، مہیش بابو، پربھاس، اور کئی اسٹارس نے آگے بڑھ کر اپنی طرف سے عطیہ دیا ہے۔ تو وہیں سلمان خان، شاہ رخ خان، اکشے کمار، ورون دھون، انوشکا شرما، ویراٹ کوہلی، دپیکا پاڈوکون، رنویر سنگھ، پرینکا چوپڑا جیسے کئی اسٹارس اپنی طرف سے عطیہ کرچکے ہیں۔

بتادیں کہ نین تارا ایک تلگو فلمی اداکارہ ہے۔انہوں نے کئی ایوارڈ ز مل چکے ہیں۔ نین تارا کی پیدائش 18 نومبر 1984 کو بنگلور کرناٹک میں ہوئی۔ اور انکا اصل نام ڈیانا مریم کورین ہے۔ انہوں سال 2003 میں آئی ملیالم فلم مناسيناكاڑے سے اپنا فلمی کیریئر کا آغاز کیا۔اور پھر تلگو فلموں میں چلی گئی۔