کورونا وائرس لاک ڈاؤن: ٹیلی کام کمپنیاں ایک مہینے کے لیے مفت خدمات دے: پرینکا گاندھی کی اپیل

دہلی،29مارچ(اردو پوسٹ انڈیا ڈاٹ کام) کورونا وائرس لاک ڈاؤن کی وجہ سے بڑی تعداد میں مزدور شہروں سے گاؤں کی طرف لوٹ رہے ہیں ، ٹریفک بند ہونے کی وجہ سے مزدور اپنے خاندان کے ساتھ پیدل گھروں کی طرف لوٹ رہے ہیں۔ گھر جارہے ان لوگوں کے مسائل کو دھیان میں رکھتے ہوئے پرینکا گاندھی نے خط لکھ کر ٹیلی کام کمپنیوں کو انسانی بنیادوں پر مدد کی اپیل کی۔

Priyanka Gandhi Vadra (file pic), Congress has written to Mukesh Ambani (Jio), Kumar Mangalam Birla (Vodafone-Idea), PK Purwar (BSNL),& Sunil Bharti Mittal (Airtel) urging them to make incoming-outgoing calls free on their networks, for one month,for migrants amid #CoronaLockdown pic.twitter.com/6WlkzwTEnL

— ANI (@ANI) March 29, 2020

کانگریس جنرل سکریٹری پرینکا گاندھی نے ملک کی اہم موبائل فون خدمات مہیا کرنے والی کمپنیوں سے آؤٹ گوئینگ اور ان کمنگ خدمات کو ایک ماہ تک مفت کرنے کی درخواست کی ہے تاکہ ان مشکل حالات غریبوں کو اپنے گھر والوں سے بات کرنے میں آسانی ہوسکے۔

محترمہ گاندھی نے کہا کہ ان لوگوں کو راحت دینے اور انہیں اپنے اہل خانہ سے بات کرنے کے لئے ایک ماہ تک انسانی بنیاد پر مفت موبائل فون خدمات دستیاب کرائی جانی چاہیے۔

ٹیلی کام کمپنیوں سے اپیل کرتے ہوئے پرینکا گاندھی نے کہا کہ ایسے حالات میں اپنی موبائل خدمات میں ان کمنگ اور آوٹ گوئینگ کو ایک ماہ کے لیے فری کردے۔ تاکہ مرد ، عورتیں اور بچے اپنی زندگی کے سب سے مشکل سفر میں خاندان کے رابطے میں رہ سکے۔ انہیں امید جتائی ہے کہ ٹیلی کام کمپنیاں انکے گراہکوں پر مثبت رویہ اپناتے ہوئے موبائل خدمات جاری رکھیں گی۔