دیوولینا بھٹاچارجی نے شوہر شاہنواز شیخ کو کہا سچا ہندوستانی مسلمان
شادی کو ‘لو جہاد’ کہنے پر دیوولینا بھٹاچارجی برہم ہو گئیں
اداکارہ نے شوہر شاہنواز شیخ کو ’سچا ہندوستانی مسلمان‘ قرار دے دیا۔
دیوولینا بھٹاچارجی نے ایک بار پھر فلم ‘دی کیرالہ سٹوری’ کی حمایت کی
یوزر نے اداکارہ کی شادی پر طنز کیا- لو جہاد ایسا ہوتا ہے۔
فلمی ڈسک، 20 مئی (اردو پوسٹ انڈیا ڈاٹ کام) کلرس ٹی وی پر نشر ہوئے بگ باس 13 میں حصہ لے چکی اداکارہ دیوولینا بھٹاچارجی ان دنوں سوشل میڈیا پر چھائی ہوئی ہے۔ فلم دی کیرالا اسٹوری دیکھنے اور نہ دیکھنے اور لو جہاد سے عنوان پر وہ سوشل میڈیا پر مداحوں کو جواب دیتے نظر آرہی ہے۔
اداکارہ نے ایک دن پہلے ہی بتایا تھا کہ وہ شوہر شاہنواز شیخ کے ساتھ ‘دی کیرالہ سٹوری’ دیکھنے گئی تھیں۔ وہیں ایک شخص نے انہیں تنقید کا نشانہ بنایا اور ان کی شادی کو ‘لو جہاد’ سے جوڑ دیا۔ اب اداکارہ نے اس پر منہ توڑ جواب دیا ہے اور شوہر شاہنواز کو سچا ہندوستانی مسلمان قرار دیا ہے۔
اس کا جواب دیتے ہوئے اداکاتہ دیولینا بھٹاچارجی نے ٹویٹ کیا، ‘ارے خان صاحب، مجھے فون کرنے کی ضرورت نہیں پڑتی ہے۔ میں اور میرے شوہر پہلے ہی دیکھ کر آگئے تھے دی کیرالہ اسٹوری اور بہت ہی اچھی لگی ہم دونوں کو ہی۔ ٹرو انڈین مسلم نام سنا ہے کیا؟ میرے شوہر ان میں سے ہی ہیں جو غلط کو غلط کہنے کی طاقت اور ہمت دونوں رکھتے ہیں۔
Arey Khan saab mujhe bulaane ko zaroorat nahi padhi.Main aur mere husband pehle hi dekh kar agaye the The Kerela Story aur bohot hi acchi lagi hum dono ko hi.TRUE INDIAN MUSLIM naam suna hai kya ?Mere pati unme se hi hai jo galat ko galat kehne ki taqat aur himmat dono rakhte hai https://t.co/PuJD3F92or
— Devoleena Bhattacharjee (@Devoleena_23) May 19, 2023
یہ سب اس وقت شروع ہوا جب رائٹ۔ونگ لیڈر سادھوی پراچی نے ہریدوار، اتراکھنڈ میں ‘دی کیرالہ اسٹوری’ کی اسکریننگ کی تصاویر شیئر کیں۔ انہوں نے لکھا، ہریدوار میں بیٹیوں کو ‘دی کیرالہ اسٹوری’ فری میں دیکھائی گئی۔ اس پوسٹ کمنٹ میں کسی نے اداکارہ کے بارے میں بات کی اور انکے شوہر شاہنواز کا ذکر کیا۔ اسی یوزر نے لکھا لو جہاد ایسا ہی ہے۔
ٹی وی انڈسٹری میں سیریل ساتھ نبھانا ساتھیا سے قدم رکھنے والی اداکارہ دیولینا بھٹاچارجی نے ڈسمبر 2022 میں جم ٹرینر شاہنواز شیخ سے شادی کی تھی۔ دیوولینا 17-2012 سے ‘ساتھ نبھانا ساتھیہ’ میں گوپی بہو کا کردار ادا کرنے کے لیے مشہور ہیں۔