فلم درشیام کی اداکارہ شریا سرن کے گھر آئی ننھی پری
فلمی ڈسک، 12 اکتوبر (اردو پوسٹ انڈیا ڈاٹ کام) فلم درشیام کی اداکارہ شریا سرن ماں بن گئی ہے اور اسکی اطلاع انہوں نے سوشل میڈیا پر ایک ویڈیو شیئر کرکے دی ہے-
سال 2001 میں تیلگو فلم اشٹم سے کیریئر کی شروعات کرنے والی اداکارہ شریا کے حمل کو لیکر کئی دنوں سے افواہیں اڑ رہی تھی، ایسے میں اب اداکارہ نے خود ان افواہوں پر فل اسٹاپ لگا دیا ہے-
View this post on Instagram
ساؤتھ کے سپر اسٹار رجنی کانت کی فلم شیوا جی دی باس سے پہچان بنانے والی شریا سرن نے ایک ویڈیو کے ساتھ آخر کار اس راز پر سے پردہ اٹھا دیا ہے- بتادیں کہ شریا 2020 میں ہی ماں بنی تھی، جسکی معلومات انہوں نے اب جاکر دی ہے-
سال 2003 میں ریلیز ہوئی فلم میری میری قسم سے بالی ووڈ میں قدم رکھنے والی اداکارہ شریا نے اس پوسٹ میں کورنٹائن کے دوران اپنے خوبصورت تجربے کو بھی شیئر کیا ہے- اداکارہ نے جو ویڈیو پوسٹ کیا ہے، اس میں انہیں اپنی بیٹی کے ساتھ دیکھا جاسکتا ہے-
ویڈیو کے ساتھ وہ کیپشن لکھتی ہے، ہیلو دوستوں، 2020 میں ہمارا کورنٹائن بہت ہی خوبصورت اور پگلاپن سے بھرا رہا-
جب ساری دنیا میں ایک اتھل پتھل چل رہی تھی، ہماری دنیا ہمیشہ کے لیے بدل چکی تھی-
ہماری لائف ایڈوینچر ، جوش اور سیکھ سے بھری رہی- اس دوران تحفے کے طور پر ہمارے پاس ایک پری آئی- ہم بھگوان کے شکر گذار ہیں-
غور طلب ہے کہ شریا نے انڈری کوسچیو سے 2018 میں راجستھان میں شادی کی تھی- دونوں کی پہلی ملاقات مالدیپ میں ہوئی تھی-
شادی کے بعد ہر طرف شریا کے حمل کو لیکر خوب افواہیں تھی- شریا ، شوہر کے ساتھ اسپین کے بارسلونا میں رہتی تھی، لیکن 2020 میں وہ واپس ہندوستان آگئی-
View this post on Instagram