سعودی عرب میں روزانہ 20 لاکھ ماسک کی تیاری
June 10, 2020
ریاض،10جون(ایجنسی)سعودی عرب میں کورونا وائرس وبا سے بچنے کے لیے روزانہ 20 لاکھ ماسک تیار کیے جارہے ہیں اور فی الحال ملک میں ڈھائی کروڑ ماسک دستیاب ہیں۔
یہ بات سعودی عرب کی فوڈ اور ڈرگ اتھارٹی کے ترجمان تیسیر المفرجی نے ایک انٹرویو میں بتائی ہے۔ سعودی عرب نے کورونا وائرس کو پھیلنے سے روکنے کے لیے عوامی مقامات پر چہرے پر ماسک لگانا لازم قرار دیا ہے۔اس کے پیش نظر ماسککی مانگ میں زبردست اضافہ دیکھا گیا ہے۔
سعودی گزٹ کے مطابق ترجمان نے بتایا کہ مملکت کی نو فیکٹریوں میں اس وقت فیس ماسک تیار کیے جارہے ہیں تاکہ آبادی کی طلب کو پورا کیا جاسکے۔ سعودی عرب کی اس وقت آبادی قریباً تین کروڑ 37 لاکھ نفوس پر مشتمل ہے۔
