دور حاضر میں پچھنا (حجامہ) لگانے کے فوائد
June 27, 2019
حیدرآباد/27جون(اردو پوسٹ) اس دور میں انسان جس علاج سے جلد ٹھیک ہوجائے وہ ساری عمر اسی طریقے کے علاج سے مطمئن ہوتا ہے۔ کئی ہزار قبل مسیح میں ہمہ اقسام کےعلاج نہیں ہوتے تھے حکیم جڑی بوٹیوں سے علاج کرتے تھے اور وہ جلد ٹھیک بھی ہوجاتے تھے۔
لیکن جیسا جیسا انسان ترقی کرتے گیا نئے ایجاد ہوتے گئے ۔ ادویات سے بخار کو کم کرنا’ آپریشن سے خراب چیز کو نکالنا’ نشتر لگا کر زخم کو صاف کرنا’ اور اب تو لیزر کی ایجاد بھی ہوگئی ہے۔ جس سے بنا آپریشن کے علاج ممکن ہوگیا ہے۔ لیکن آج کے اس دور میں اگر ہم 3500 سال پرانے طریقے علاج کی بات کرے تو کوئی بھی یقین نہیں کرے گا اگر کریگا بھی تو شاید مطمئن نہیں ہوگا۔ لیکن انسان کو جیسا جیسا حجامہ کے فائدے کے بارے میں معلوم ہوتا گیا وہ عام لوگوں کے درمیان آگیا۔اور لوگ اس کے بارے میں جاننے لگے۔
حجامہ 3500 سال سے بھی پرانا ہے۔ اس کی تاریخ ہمیں Ebers Papyrus نامی کتاب میں بھی ہے جو 1550 قبل مسیح کی مشہور طبی کتاب ہے۔ حجامہ کا طریقہ یہ ہے کہ مقام مطلوب پر نشتر سے خفیف نشتر لگا کر کپ یعنی سینگی لگا کر کھینچا جاتا ہے۔ جس سے فاسد خون نکل جاتا ہے رگوں میں خون تیزی سے دوڑنے لگتا ہے۔
چند دنوں میں نیا خون بن جاتا ہے۔ فاسد خون کے نکلنے سے انسان کے جسم میں کسی قسم کی کمزوری نہیں آتی بلکہ وہ اور ایکٹیو محسوس کرتا ہے۔ کیونکہ جو خون نکلتا ہے وہ انسان کے جسم کا بیکار خون ہوتا ہے۔ اکثر لوگ خون نکل جانے کے ڈر سے حجامہ کروانے سے پیچپے ہٹتے ہیں۔
بی یو ایم ایس ڈاکٹر عرفان بن مصطفے
