کرکٹر محمد سمیع کے خلاف گرفتاری وارنٹ جاری، گھریلو تشدد کا ہے الزام
![](https://urdupostindia.com/wp-content/uploads/2019/09/sami-hasin-jahan-770x394.jpeg)
نئی دہلی،2ستمبر(ایجنسی) مغربی بنگال کی علی پور عدالت نے کرکٹر محمد سمیع اور انکے بھائی کے خلاف گھریلو تشدد کے معاملے میں گرفتاری وارنٹ جاری کیا ہے- عدالت نے ان سے 15 دنوں کے اندر خودسپردگی کرنے کو کہا ہے- بیوی حسین جہاں نے سمیع کے خلاف کیس درج کرایا تھا-
پچھلے سال مارچ میں حیسن جہاں نے اپنے شوہر کرکٹر محمد سمیع پر کئی سنگین الزامات لگاکر سنسنی پیدا کردی تھی- حسین جہاں نے محمد سمیع پر مارپیٹ، ریپ، قتل کی کوشش ، گھریلو تشدد اور میچ فکسنگ جیسے کئی سنگین الزامات لگائے تھے-
سمیع ان سبھی الزامات سے انکار کرتے رہے ہیں اور حسین جہاں بھی ان الزامات کو ابھی تک ثابت نہیں کرپائی ہے- ابھی بھی میاں-بیوی کے درمیان قانونی لڑائی چل رہی ہے-