ہندوستانی کرکٹر شیکھر دھون کے کچھ خاص ریکارڈس

اسپورٹس ڈسک،7 ڈسمبر(اردو پوسٹ انڈیا ڈاٹ کام) ہندوستانی کرکٹ ٹیم کے سلامی بلے باز شیکھر دھون (5 ڈسمبر) کو اپنا 34 واں برتھ ڈے منایا۔ سال 1985 میں دہلی میں پیدا ہوئے شیکھر ہندوستانی ٹیم میں گببر کے نام سے مشہور ہیں۔ انہوں نے کئی موقعوں پر  اپنے دم پر ٹیم انڈیا کو جیت دلائی ہے۔ اس خاص موقع پر انکے کچھ خاص ریکارڈس پر نظر ڈالتے ہیں۔

پہلا : شیکھر دھون ونڈے انٹرنیشنل میں سب سے تیز 2000 اور 3000 رن بنانے والے ہندوستانی بلے باز ہیں۔

دوسرا : شیکھر دھون نے فہرست اے یعنی 50 اوور کرکٹ میں ہندوستان کے لیے دوسرا سب سے بڑا اسکور بنایا ہے۔ دھون نے ساؤتھ افریقہ  کے خلاف ہوئے مقابلے میں انڈیا اے کے لیے کھیلتے ہوئے 150 گیندوں  میں 30 چوکوں اور 7 چھککوں کی مدد سے 248 رن کی انگیز کھیلی تھی۔

تیسرا: آئی سی سی ونڈے ٹورنامنٹ میں سب سے تیز 1000 رن بنانے کا ریکارڈ بھی شیکھر دھون کے نام  ہے۔ دھون نے 16 انگیزوں میں یہ مقام حاصل کیا تھا۔ اس معاملے میں انہوں نے سچن ٹینڈولکر کو پچھے  کیا تھا، جنہوں نے اسکے لیے 18 انگیزیں کھیلی تھی۔

چوتھا: ہندوستان کے لیے ٹیسٹ کرکٹ ڈیبیو پر سب سے بڑی انگیز کھیلنے کا ریکارڈ شیکھر دھون کے نام پر ہے۔ مارچ 2013 میں آسٹریلیا کے خلاف موہالی میں کھیلے گئے ٹیسٹ میچ میں دھون نے 187 رن بنائے تھے۔

پانچواں: شیکھر دھون نے آئی سی سی چیمپئنس ٹرافی 2013 میں سب سے زیادہ 363 رن بنائے تھے۔ اور ہندوستان کو خطاب جتنے میں اہم رول نبھایا تھا۔ اسکے بعد 2017 چیمپیئنس ٹرافی میں بھی دھون نے سب سے زیادہ 338 رن بنائے۔ لگاتار دو چیمپئنس ٹرافی میں سب سے زیادہ رن بنانے والے وہ اکیلے کھلاڑی ہیں۔