سگاریکا گھاٹگے برتھ ڈے اسپیشل: کامیاب فلمی سفر کے بعد ظہیر خان سے کی شادی
فلمی ڈسک، 8 جنوری (اردو پوسٹ انڈیا ڈاٹ کام) شاہ رخ خان کی فلم چک دے انڈیا کی پریتی سبروال یعنی سگاریکا گھاٹگے آج اپنی سالگرہ ہے- سگاریکا آج اپنا 34 واں برتھ ڈے منارہی ہے- فلم چک دے انڈیا کے لیے سگاریکا کو بہترین معاون اداکارہ کا ایوارڈ بھی ملا تھا-
سگاریکا گھاٹگے کی پیدائش 8 جنوری 1986 کو مہاراشٹرا کے کولہاپور میں ہوئی- سگاریکا کے والد کا نام وجے سنگھ گھاٹگے اور والدہ ارمیلا گھاٹگے ہیں- اور انکے بھائی کا نام شیوجیت گھاٹگے ہے جو ایک اکاؤنٹ ایگزیکٹیو ہے-
سگاریکا گھاٹگے ایک ماڈل اور نیشنل لیول ایتھلیٹ اور اداکارہ ہے- انہیں شاہ رخ خان کی فلم چک دے انڈیا میں نبھائے پریتی سبروال کے رول کے لیے جانا جاتا ہے-
کولہا پور میں وہ آٹھ سال کی عمر تک رہی اور پھر وہ راجستھان کے اجمیر منتقل ہوئی اور میو کالج گرلز اسکول میں پڑھائی کی- سگاریکا قومی سطح پر ہاکی کی کھلاڑی رہ چکی ہے-
بتادیں کہ سگاریکا کا تعلق شاہی خاندان سے ہے- سگاریکا کے والد وجے گھاٹگے ہندی فلموں کے مقبول شخصیت ہے، ساتھ ہی سگاریکا کی دادی سیتا راجے گھاٹگے اندور کے مہاراجہ توکوجی راؤ ہولکر کی بیٹی تھی- سگاریکا جب پڑھائی کررہی تھی تبھی سے انہیں اشتہارات میں کام کے آفر آنے لگے تھے- لیکن انکے والد نے ان آفرس کو منع کردیا تھا-
سگاریکا گھاٹگے نے 24 اپریل 2017 کو ہندوستانی کرکٹ ٹیم کے کھلاڑی ظہیر خان سے منگنی کا اعلان کیا اور نومبر 2017 کو شادی کی-
View this post on Instagram