روپالی گنگولی کی کئی سالوں بعد ٹی وی سیریل انوپما سے واپسی
![روپالی گنگولی](https://urdupostindia.com/wp-content/uploads/2020/11/Rupali-Ganguly.jpg)
ٹی وی ڈسک،1 نومبر (اردو پوسٹ انڈیا ڈاٹ کام) ٹی وی کی مشہور اداکارہ روپالی گنگولی تو آپ کو یاد ہی ہوگی۔ جنہوں نے مقبول کامیڈی شو سارا بھائی وز سارا بھائی میں اپنی زبردست کامیک ٹائمنگ سے لاکھوں دلوں میں اپنی جگہ بنائی۔
روپالی بگ باس کی کنٹیسٹنٹ بھی رہ چکی ہے۔ وہ اپنی پرسنل لائف کی وجہ سے وہ لمبے وقت سے ٹی وی کی دنیا سے دور تھی۔ روپالی گنگولی نے قریب سات سال بعد انڈین ٹیلی ویژن پر ٹی وی سیریل انوپما سے واپسی کی۔
اپنی واپسی کا پورا کریڈیٹ روپالی نے شوہر کو دیا۔ جسکے بارے میں انہوں نے بتایا کہ، انکے شوہر نے انہیں ایکٹینگ پھر سے شروع کرنے کے لیے راغب کیا۔
روپالی کا کہنا ہے کہ میں اپنے شوہر کو اس بات کا سہرا دینا چاہتی ہوں کہ انہوں نے اس شو میں شامل ہونے کے لیے مجھے بہت حوصلہ دیا۔
روپالی کا کہنا ہے کہ – جب مجھے اس شو کا آفر ملا، تو میرے شوہر نے واقعی میں میری حوصلہ افزائی کی اور کہا، میں ہمارے گھر اور بچے کا خیال رکھوں گا، تم آگے بڑھو کیونکہ یہ شو ایک اداکارہ کے طور پر تمہیں اپنی قابلیت کو ثابت کرنے کا موقع دے گا۔
بتادیں کہ روپالی کا آنے والا شو انوپما بنگالی ٹی وی سیریز شریمائی کا ہندی ریمیک ہے۔ اسکی کہانی گھریلو خاتون کی زندگی کے ارد گرد گھومتی ہے۔ جسے روپالی نبھا رہی ہے۔ یہ سیریل شروع ہونے کے چند دن میں ہی کافی مقبولیت پائی۔