برطانیہ کے نئے وزیر اعظم ًبنے رشی سنک

نئی دہلی 25 اکتوبر (اردو پوسٹ انڈیا ڈاٹ کام) برطانیہ کے کنگ چارلس سوم نے ہند نژاد مسٹر رشی سنک کو ملک کا نیا وزیر اعظم مقرر کرتے ہوئے حکومت کی تشکیل کا حکم دیا ہے اسکائی نیوز نے اپنی رپورٹ میں یہ اطلاع دی مسٹر سنک بکنگھم پیلس میں کنگ چارلس سوم سے ملاقات کے بعد باضابطہ طور پر وزیر اعظم بن گئے۔

آپ کو بتاتے چلیں کہ 45 دنوں تک برطانیہ کی وزیر اعظم رہنے والی لز ٹرس کے استعفیٰ کے بعد ایک بار پھر انتخابات ہوئے جس میں رشی سنک کو شروع سے ہی مضبوط دعویدار سمجھا جا رہا تھا۔ سنک کو ایک ایسے وقت میں برطانیہ کا وزیراعلیٰ منتخب کیا گیا ہے جب برطانیہ کو بھی شدید سیاسی بحران اور معاشی چیلنجز کا سامنا ہے۔

رشی سنک کی عمر 42 سال ہے۔ بورس جانسن نے انہیں فروری 2020 میں برطانیہ کا وزیر خزانہ منتخب کیا۔ یہ ان کی پہلی مکمل پارلیمانی مدت تھی۔

انفوسس کے شریک بانی نارائن مورتی نے منگل کو کہا کہ انہیں اپنے داماد رشی سنک پر فخر ہے، جو برطانیہ کے پہلے ہندوستانی نژاد وزیر اعظم بنے ہیں۔

رشی، جسے پیار سے دیشی رشی (ڈشی رشی) کے نام سے بھی جانا جاتا ہے، ان کی بیوی اکشتا مورتی کی نان ڈومیسائل ٹیکس اسٹیٹس کی وجہ سے تنقید کا جھیلنی پڑتی تھی- امریکی گرین کارڈ اور برطانیہ کی کاسٹ آف لیونگ کرائسیس پر سست ردعمل کو لیکر بھی وہ تنقید کا نشانہ رہی-

رشی شراب نہیں پیتے، لیکن کوویڈ 19 کے قوانین کی خلاف ورزی کرتے ہوئے ڈاؤننگ اسٹریٹ پر پارٹی میں شرکت کرنے پر انہیں جرمانہ ادا کرنا پڑا تھا-

رشی سنک کے دادا پنجاب سے برطانیہ پہنچے تھے۔ بیوی اکشتا مورتی سے ان کی دو بیٹیاں ہیں۔ اکشتا انفوسس کے بانی این آر نارائن مورتی کی بیٹی ہیں۔ ان دونوں کی ملاقات کالج کے دنوں میں کیلیفورنیا میں ہوئی تھی۔

رشی سنک اسٹینفورڈ یونیورسٹی کے گریجویٹ اور سابق سرمایہ کاری بینکر ہیں۔ وہ اکثر اس بارے میں بات کرتے رہتے ہیں کہ کیسے انکے خاندان نے اکثر اقدار اور ثقافت کے بارے میں بتایا-

رشی کو اکثر سابق وزیر دفاع پینی مورڈنٹ کے ساتھ دیکھا جاتا ہے۔ کورونا وائرس کی وبا کے دوران کئی بلین پاؤنڈ کا پیکج کاروباریوں اور ضرورت مندوں کے لیے دے کر رشی نے خوب مقبولیت حاصل کی تھی-

یارکشائر سے رکن پارلیمنٹ رشی سنک نے برطانوی پارلیمنٹ میں بھگوت گیتا لے کر حلف لیا۔ وہ ایسا کرنے والے برطانیہ کے پہلے رکن پارلیمنٹ تھے۔
رشی سنک فٹ رہنے کے لیے کرکٹ کھیلنا پسند کرتے ہیں۔

رشی سنک کی مجموعی مالیت 700 ملین پاؤنڈ سے زیادہ ہے۔ یارکشائر میں ایک حویلی کے مالک ہونے کے علاوہ رشی اور ان کی اہلیہ اکشتا بھی وسطی لندن کے کنسنگٹن میں ایک پراپرٹی کے مالک ہیں۔

ایک فارماسسٹ ماں اور ڈاکٹر وال کے بیٹے، سنک نے انگلینڈ کے ایک مشہور اسکول، ونچسٹر اور پھر آکسفورڈ میں تعلیم حاصل کی۔

انہوں نے گولڈمین سیکس گروپ انکارپوریشن میں تین سال کام کیا اور بعد میں اسٹینفورڈ، کیلیفورنیا سے ایم بی اے کیا، جہاں ان کی ملاقات انفوسس کے شریک بانی نارائن مورتی کی بیٹی اکشتا مورتی سے ہوئی۔ انہوں نے سال 2009 میں اکشتا سے شادی کی اور اس جوڑے کی دو بیٹیاں کرشنا اور انوشکا ہیں۔

رشی اپنی اہلیہ اور دو بچوں کے ساتھ اکثر اپنے سسرال والوں سے ملنے بنگلور جاتے رہتے ہیں-