جیو ایئر فائبر گنیش چترتھی پر لانچ ہوگا : مکیش امبانی

۔• 20 کروڑ گھروں اور احاطے تک پہنچنے کا منصوبہ
۔• روزانہ 1.5 لاکھ کنکشن  لگائے جاسکتے ہیں
۔• آکاش امبانی نے  جیو ٹرو 5  جی ڈیولپر پلیٹ فارم’ اور ’ جیو  ٹرو 5 جی لیب‘ کے آغاز کا اعلان

۔•  15 لاکھ کلو میٹر میں پھیلا ہے جیو کا  آپٹیکل فائبر انفراسٹرکچر

نئی دہلی، 28 اگست2023 (پریس نوٹ) جیو کے ایئر فائبر کا انتظار ختم  ہوا، اسے گنیش چترتھی  کے دن یعنی 19 ستمبر کو لانچ کیا جائے گا۔ ریلائنس انڈسٹریز کے چیئرمین مکیش امبانی نے کمپنی کی سالانہ جنرل میٹنگ میں اس کا اعلان کیا۔ جیو ایئر فائبر  5جی نیٹ ورک اور جدید ترین وائرلیس ٹیکنالوجی کا استعمال کرتے ہوئے گھروں اور دفاتر کو وائرلیس براڈ بینڈ سروس فراہم کرے گا۔ جیو ایئر فائبر کے اترنے سے ٹیلی کمیونیکیشن کے میدان میں ہلچل کا امکان ہے۔

ریلائنس انڈسٹریز کی جنرل اسمبلی میں مکیش امبانی نے  کہا کہ “10 ملین سے زیادہ احاطے ہماری آپٹیکل فائبر سروس،  جیو فائبر سے جڑے ہوئے ہیں۔ اب بھی لاکھوں احاطے ہیں جہاں تار سے رابطہ فراہم کرنا مشکل ہے۔ جیو ایئر  فائبر  اس مشکل کو کم کرے گا۔ اس کے ذریعے ہم 20 کروڑ گھروں اور احاطے تک پہنچنے کی امید کر رہے ہیں۔ جیو ایئر  فائبر کے متعارف ہونے سے، جیو ہر روز 1.5 لاکھ نئے صارفین کو شامل کر سکے گا۔

بتاتے  چلیں کہ  جیو کا آپٹیکل فائبر انفراسٹرکچر پورے ہندوستان میں 15 لاکھ کلومیٹر تک پھیلا ہوا ہے۔ اوسطاً، آپٹیکل فائبر پر ایک صارف ماہانہ 280 جی بی سے زیادہ ڈیٹا استعمال کرتا ہے، جو جیو کے فی کس موبائل ڈیٹا کی کھپت سے 10 گنا زیادہ ہے۔

سالانہ جنرل میٹنگ نے جیو ایئر فائبر کے ساتھ ساتھ جیو ٹرو 5 جی ڈیولپر پلیٹ فارم اور  جیو  ٹرو 5  جی لیب ‘کے آغاز کا بھی اعلان کیا۔ لانچ کا اعلان کرتے ہوئے، جیو کے چیئرمین آکاش امبانی نے کہا، “ہم ایک ایسا پلیٹ فارم بنا رہے ہیں جو ہندوستانی کاروباری اداروں، چھوٹے کاروباروں اور ٹیکنالوجی کے اسٹارٹ اپس کے ڈیجیٹل دنیا کے ساتھ بات چیت کے طریقے کو بدل دے گا۔

کاروباری اداروں کی ضروریات کو ذہن میں رکھتے ہوئے،  جیو نے 5جی نیٹ ورک، ایج کمپیوٹنگ اور ایپلی کیشنز کو ملا کر ایک جامع پلیٹ فارم بنایا ہے۔ دوسری طرف’ جیو  ٹرو 5 جی لیب‘ میں ہمارے ٹکنالوجی پارٹنرز ،صنعت کے لیے مخصوص حل تیار، جانچ اور شریک تخلیق کر سکتے ہیں۔  جیو ٹرو  5 جی لیبریلائنس کارپوریٹ پارک، نوی ممبئی میں واقع ہوگی۔