Type to search

تعلیم اور ملازمت

ایم ایس ایجوکیشن اکیڈیمی کا ٹیچرس کو بیرونی ملک کے سفر کا تحفہ

ایم ایس ٹیچرس دبئی

اپنے ٹیچرس کے خدمات کےاعتراف کے طورپر ان کے لئےدبئی کے سفر کے انتظامات


حیدرآباد ۔ 3جون ۔ پریس نوٹ (پریس نوٹ) ایم ایس ایجوکیشن اکیڈیمی کے ٹیچرس پر مشتمل 6 رکنی قافلہ حیدآباد سےدبئی پہنچ چکا ہے۔

ایم ایس ایجوکیشن اکیڈیمی اپنے اساتذہ کو حقیقی قوم کے معماروں کے طور پرتسلیم کرتی ہے اوریہ مانتی ہے کہ ان کی لگن اور مہارت ادارے کی کامیابی کے لیے اہم ہیں۔ اساتذہ کے خدمات کو سراہتے ہوئے، یوم اساتذہ کے موقع پر اکیڈمی نے قرعہ اندازی کی تاکہ 25 اساتذہ کو ان کی شریک حیات یا خاندان کے رکن کے ساتھ غیر ملکی دورے پر جانے کے لیے منتخب کیا جا سکے،

اس موقع پر 22 مسلم اساتذہ کو عمرہ اور 3 غیر مسلم اساتذہ کو دبئی کے لیے منتخب کیا گیا۔ اکیڈمی نے سفر کے تمام اخراجات بشمول سفر، رہائش، اور متعلقہ اخراجات اپنے ذمہ لینے کا اعلان کیا تھا۔

 

 

 

 

کستوری پدما، ایس بالا راجو اور جئے دیو سنگھ، ایم ایس ایجوکیشن اکیڈیمی سے وابستہ ایسے تین خوش نصیب ٹیچرس میں سے ہیں جنہیں اس سال ٹیچرس ڈے کے موقع پر قرعہ کے ذریعہ منتخب کرتے ہوئے دبئی کے سفر پر روانہ کرنے کی خوشخبری سنائی گئی تھی۔

 

 

 

گذشتہ نومبر 22 مسلم اساتذہ معہ ان کے شریک حیات یا محرم 44 افراد کے لئےعمرہ کے سفر کے کامیاب انتظامات کے بعد اب ایم ایس ایجوکیشن اکیڈیمی کے لئے منتخب اساتذہ کےلئےسفر دبئی کے انتظامات کا وقت ہے۔

 

 

چنانچہ یکم جون 2023 کو اکیڈمی نے 3 منتخب اساتذہ کو اپنے افرادخاندان کے ہمراہ دبئی کے 6 روزہ دورہ پر روانگی کے جملہ انتظامات کئے۔ تین اساتذہ معہ ان کے افراد خاندان کل ملا کر 6 افراد کا قافلہ کے دبئی روانگی سے پہلے ایم ایس ایجوکیشن کے کارپوریٹ آفس مدعو کیا گیا۔

 

 

جس میں اساتذہ کو ان کے دستاویزات سفر حوالہ کیئےگئے۔ اس موقع پر ایم ایس کے سینیئر ڈائرکٹر محمد معظم حسین نے اساتذہ کو مبارکباد پیش کی اور کہا کہ اپنے اساتذہ کو بیرونی سفر عمرہ یا دبئی کو روانہ کرنے کا ایم ایس کےانتظامیہ کا فیصلہ اساتذہ کے لگن اور ان کی انمول خدمات کا اعتراف ہے۔

 

انہوں نے کہا کہ ٹیچرس ڈے کے موقع پر اساتذہ کے خدمات کےاعتراف کے طور پر انہیں عمرہ یا بیرونی مملک روانہ کرنے کا سلسلہ اس تعلیمی سال بھی جاری رہے گا۔

 

 

ایم ایس ایجوکیشن اکیڈمی میں شعبہ ہندی کے صدر جئے دیو سنگھ جو اپنی زوجہ کے ساتھ دبئی کے سفر کے لیئے روانہ ہوئے انہوں نے دبئی کے لیئے اپنا نام منتخب ہونے پر ایم ایس ایجوکیشن اکیڈمی کے چیرمین محمد لطیف خان، منیجنگ ڈائرکٹر انور احمد اور سینئر ڈائرکٹر ڈاکٹر معظم حسین اور منیجمنٹ کے دیگر اراکین کا شکریہ ادا کیا۔

 

 

ایم ایس کریٹیو اسکول میں تلگو کی ٹیچر کستوری پدما اپنے خاوند کے ساتھ دبئی کے سفر کے لئےروانہ ہوئیں انہوں نے اس سفر کے لئے منتخب ہونے پر خوشی کا اظہار کیا اور ایم ایس کے ڈائرکٹرس کا شکریہ ادا کیا۔ کتسوری پدما کے خاوند بھاسکر نے ایم ایس کی اس سونچ کی تعریف کی اور کہا کہ اس طرح کے اقدم سے ٹیچرس کی حوصلہ افزائی ہوتی ہے۔

 

نوجوان ایس بالا راجو جو ایم ایس کریٹیو اسکول میں فزیکل ایکوکیشن کےٹیچر ہیں اپنی والدہ کے ساتھ دبئی کے لیئے روانہ ہوئے انہوں نے ٹیچرس ڈے کے موقع پر قرعہ کے ذریعہ اپنا نام منتخب ہونے پر کہا کہ ایم ایس ایجوکیشن اکیڈمی میں پچھلے 7 سال سے خدمات انجام دے رہے ہیں اور وہ ایم ایس منیجمنٹ کے ساتھ کام کرکے بہت خوش ہیں اور دبئی ٹرپ کے لیئے ان کا شکریہ ادا کرتے ہیں۔

 

 

حیدرآباد سے بذریعہ طیارہ دبئی پہنچنے پرایم ایس کے اساتذہ کو فور اسٹار ہوٹل میں ٹہرایا گیا ۔جس میں ان کے لئے طععام کا بھی انتظام ہے۔

 

 

فی الحال ایم ایس کے اساتذہ اپنے سفر دبئی سے محظوظ ہورہے ہیں۔ اس دوران انہوں نے مشہور زمانہ برج الخلیفہ ، پام جمیرہ بیچ اور فیوچر میوزیم کو وزٹ کیا ہے اور اس کے علاوہ مزید مقامات کو دیکھنے کا ارادہ ہے ۔

Tags:

You Might also Like