Type to search

تعلیم اور ملازمت

ملک کی ترقی میں تعاون کے جذبہ کے تحت ایم ایس ایجوکیشن اکیڈیمی نے منایا یوم آزادی

75 ویں سالگرہ کے موقع پر ایم ایس کے سات اہم اعلانات


مینیجنگ ڈائریکٹر انور احمد

حیدرآباد ۔ 15 اگسٹ (پریس نوٹ) ایم ایس ایجوکیشن اکیڈیمی نے آزادی کی 75 ویں سالگرہ تقریب کوملک کی ترقی میں اپنا تعاون دینے کے جذبہ کے تحت منانے کا فیصلہ کیا ہے۔ ایم ایس کے چیئرمین محمد لطیف خان نے 75ویں یوم آزادی کے موقع پرسب کو مبارکباد پیش کرتے ہوئے

7 سات اہم اعلانات کئے جس میں نیشنل ٹیلنٹ سرچ، دوبارہ نیٹ اورآئی آئی ٹی انٹرنس ٹیسٹ ، اورکلاٹ،سی اے فائونڈیشن کے خواہشمند طلبہ کے لئے خوشخبری ہے۔ ساتھ ہی ساتھ، لطیفی فارٹی و ایم ایس آئی اے ایس اکیڈیمی میں شامل نشستوں کی تعداد میں اضافہ اور اس کے علاوہ ایم ایس کے اسٹاف کو عمرہ پر بھجوا نے سے متعلق اعلانات شامل ہیں۔

ٓمحمد لطیف خان نے ان اعلانات کوتفصیل سے بتاتے ہوئے کہاکہ ایم ایس کے ایسےطلبہ جو نیشنل ٹیلنٹ سرچ کوالیفائی کریں گے ایسے ہر ایک طالب علم کو 75ہزار روپئے کے نغد انعامات دیئے جائیں گے۔ دوسرا اعلان یہ ہے کہ
ایسے طلبہ جو دوبارہ نیٹ یا آئی آئی ٹی انٹرنس دینے کے خواہشمند ہیں انہیں 75لاکھ روپئے پر مشتمل اسکالر شپس فراہم کیےجائیں گے جس کےتحت انہیں ایم ایس کے اداروں میں

مفت تعلیم اور لاڈجنگ و بورڈنگ کے انتظامات کئے جائیں گے۔

معاشرہ میں قابل وکلا کو شامل کرنے میں اپنے تعاون کے لئے ایم ایس کے ایسے طلبہ کو جو وکالت کے میدان میں داخل ہونا چاہتے ہیں ان میں سے 75طلبہ کو منتخب کرتے ہوئے انہیںاس سال فری کامن لا اڈمیشن ٹسٹ ، کلاٹ کی کوچنگ فراہم کی جائے گی ۔ یہ اس موقع پر کیا جانے والا تیسرہ اعلان تھا ۔

اپنے چوتھے اعلان کے تحت محمد لطیف خان نےکہا کہ چارٹرڈ اکاونٹنسی میں دلچسپی رکھنے والے 75 طلبہ کو ایم ایس کےجونئر کالجس میں داخلہ دے کر انہیں فری سی اے فاونڈیشن کورس کی تربیت فراہم کی جائے گی۔

ایم ایس کی جانب سےپانچواں اعلان یہ ہے کہ باوقار ایم ایس لطیفی40 میں طلبہ کی گنجائش کو بڑھا کر 40 سے 75 کیا جائے گا۔

اور اس موقع پر کئے جانے والے چھٹے اعلان کے تحت ایم ایس آئی اے ایس اکیڈیمی میں 30 طلبہ کے ان ٹیک کو بڑھا کر 75 کر دیا جائے گا۔

ایم ایس کے چئیر مین محمد لطیف خان کا ماننا ہے کہ ایم ایس ایجوکیشن کی کامیابی میں سب سے اہم رول ادا کرنے والے ٹیچرس کی ہمت افزائی کی جائے اس کے لیے اگلے تین سالوں میں ایم ایس کے75 اساتذہ کو عمرہ کی سعادت حاصل کرنے کا موقع فراہم کروایاجائے گا جس کےمکمل اخرا جات ایم ایس برداشت کرے گا۔

محمد لطیف خان نے خواہشمندطلبہ سے اپیل کی کہ وہ ان اعلانات سے فائدہ اٹھائیں۔

آج ایم ایس ایجوکیشن اکیڈیمی کے مینیجنگ ڈائریکٹر انور احمد نے پچہتر ویں یوم آزادی کے موقع پر مجاہدین آزادی کو خراج تحسین پیش کرتے ہوئے حیدرآباد سے تعلق رکھنے والے ممتاز مجاہدین شہید طرہ باز خان ، تحریک آزادی کو جئے ہند کا نعرہ دینے والے عابد حسین زعفرانی اور قومی ترنگہ کے ڈیزآیننر سریہ طیب جی کو یاد کیا۔

انور احمد نے کہا کہ حیدرآبادی مجاہدین آزادی کے کارناموں کو سن کر ایک ہندوستانی ہونے کے ساتھ ہی ساتھ ایک حیدرآبادی ہونے پر بھی فخر محسوس ہوتا ہے۔انور احمد نےاکیڈیمی کے کارپوریٹ آفس واقع این ایم ڈی سی ماں صاحب ٹینک ، پر رسم پرچم کشائی انجام دیا اوراس موقع پر جشن میں شریک اسٹاف کو پچہتر ویںیوم آزادی کی مبارکباد پیش کی ۔

Tags:

You Might also Like