Type to search

تعلیم اور ملازمت

کویڈ 19 کے پیش نظر اردو یونیورسٹی میں داخلوں کا نیا شیڈیول

MANUU

انٹرنس اساس کے کورسز کے لیے 24 اگست آخری تاریخ۔ میرٹ پر 30 ستمبر تک داخلے


حیدرآباد، 29 جولائی (پریس نوٹ) مولانا آزاد نیشنل اردو یونیورسٹی نے کویڈ 19 وبا کے پیش نظر تعلیمی سال 2020-21کے ریگولر کورسز میں داخلوں کے لیے نیا شیڈیول جاری کیا ہے۔ پروفیسر ایس ایم رحمت اللہ، رجسٹرار انچارج کے بموجب انٹرنس کی بنیاد پر داخلے کے کورسز میں آن لائن درخواست کی تبدیل شدہ آخری تاریخ 24 اگست 2020 ہے ، جبکہ میرٹ پر مبنی کورسز میں داخلے کی آخری تاریخ 30 ستمبر تک بڑھا دی گئی ہے۔ انٹرنس ٹسٹ کے انعقاد کے لیے نظر ثانی شدہ تواریخ 19 اور 20 ستمبر ہوں گی۔ انٹرنس ٹسٹ کے نتائج کا اعلان 30 ستمبر کو کیا جائے گا۔

اس سے قبل ، انٹرنس پر مبنی کورسز کے لیے آن لائن درخواستیں داخل کرنے کی توسیع شدہ آخری تاریخ 10 جولائی تھی اور میرٹ پر مبنی کورسز کی 10 اگست۔

پروفیسر ایم وناجا، ڈائرکٹر نظامت داخلہ کے بموجب ہندوستان کی کچھ ریاستوں میں کویڈ 19 کی موجودہ صورتحال کے پیش نظر یہ توسیع کی گئی ہے۔ اسی دوران یونیورسٹی نے داخلے کی بعض شرائط میں ضمیموں کو منظوری دی ہے جن میں مختلف کورسس میں داخلوں کیلئے اردو اہلییت کی نظرِ ثانی شدہ اساس،ایم اے ترجمہ اور ایم اے سماجی علوم بجز سوشیل ورک میں داخلے کیلئے منظورہ دینی مدارس کے پروگرام اور ایم سی اے پروگرام میں داخلے کیلئے اے آئی سی ٹی ای کی مصرحہ اہلیتی شرط شامل ہیں۔
نئے قواعد کی تفصیل یونیورسٹی ویب سائٹ پر دستیاب ہے۔

آن لائن درخواست فارم برائے انٹرنس پر مبنی کورسز جیسے بی ٹیک (کمپیوٹر سائنس) ، ایم ٹیک (کمپیوٹر سائنس) ، ایم بی اے ، ایم سی اے ، بی ایڈ ، ایم ایڈ ، ڈی ایل ایڈ ، پالی ٹیکنک ڈپلوما اور پی ایچ ڈی پروگرام ان کے علاوہ میرٹ کی اساس کے کورسز میں داخلے کے لئے آن لائن درخواست ویب سائٹ manuu.edu.in دستیاب ہے۔ 

Tags:

You Might also Like