مولانا آزاد نیشنل اردو یونیورسٹی کے ریگولر کورسس میں داخلے
June 17, 2021
اردو کے ذریعہ اعلیٰ اور پیشہ ورانہ تعلیم کے حصول کا سنہری موقع
مولانا آزاد نیشنل اردو یونیورسٹی (مانو) کُل ہند دائرہ کار کے ساتھ ایک مرکزی یونیورسٹی ہے جو پارلیمنٹ کے ایک ایکٹ کے ذریعے 1998ء میں قائم کی گئی۔ اس کا مین کیمپس گچی باﺅلی حیدرآباد میں واقع ہے۔ مانو کو اردو ذریعہ سے اعلیٰ تعلیمی خدمات فراہم کرنے والے ادارے کے طور پر قومی سطح پر پہچانا جانا جاتا ہے۔
اردو کی ترویج و ترقی،اردو میں پیشہ وارانہ و تکنیکی تعلیم کی فراہمی، اردو ذریعہ تعلیم سے ریگولر اور فاصلاتی طرز پر اعلیٰ تعلیم حاصل کرنے کے خواہش مندلوگوں کو وسیع پیمانے پر مواقع کی فراہمی اور تعلیم نسواں پر خصوصی توجہ اس کے بنیادی مقاصد ہیںتاکہ ان کے ذریعے رسائی، مساوات اور معیار کے قومی ایجنڈہ کی پابندی کی جائے۔
یونیورسٹی مین کیمپس اور دیگر شہروں میں موجود یونیورسٹی کے کیمپسوں میں ریگولر کورسس میں داخلے دیئے جارہے ہیں۔ اس میں سات اسکول آف اسٹڈیز میں قائم 19 شعبہ جات کے تحت پی ایچ ڈی تک 71 کورسس دستیاب ہیں۔
موجودہ تعلیمی سال 2021-22 میں 23 پی ایچ ڈی، 21 پوسٹ گریجویشن، 8 انڈر گریجویشن، 7 پیشہ وارانہ ڈپلوما (ایک ایجوکیشن اور 6 پالی ٹیکنیک) اور 5 جزوقتی ڈپلوما پروگرامس اور 2 سرٹیفکیٹ کورسس دستیاب ہیں۔
تعلیمی سال 2019-20 سے مانو کے مین کیمپس میں طلبہ کو روزگار کے حصول میں آسانی کے لیے گریجویشن سطح پر دو ووکیشنل کورسز میڈیکل امیجنگ ٹکنالوجی (ایم آئی ٹی) اور میڈیکل لیباریٹری ٹکنالوجی (ایم ایل ٹی) کو متعارف کیا گیا۔
داخلے 2021-22
تعلیمی سال 2021-22 ریگولر طرز پر مین کیمپس اور سٹیلائٹ کیمپسوں (لکھنو اور سری نگر)، کالجس برائے تعلیم اساتذہ (سی ٹی ایز) اور پالی ٹیکنیک کالجس میں پی ایچ ڈی، پوسٹ گریجویٹ، انڈر گریجویٹ، پیشہ وارانہ ڈپلوما اور جز وقتی ڈپلوما / سرٹیفکیٹ پروگرامس میں داخلے دیئے جارہے ہیں۔
آن لائن داخلے کا شیڈول
اعلامیہ کے اجراءکی تاریخ
۔10 جون 2021
2021-22 داخلوں کی آخری تاریخ
۔30 ستمبر 2021
داخلہ امتحان پر مبنی پروگرامس
پی ایچ ڈی پروگرامس – پُر کردہ درخواست داخل کرنے کی آخری تاریخ
۔12 جولائی 2021
داخلہ امتحان کی بنیاد پر داخلے کے پروگرام (پیشہ وارانہ / تکنیکی / ووکیشنل) پُر کردہ درخواست فارم داخل کرنے کی آخری تاریخ
۔12 جولائی 2021
داخلہ امتحان پر مبنی پروگرام کے لیے فارم ایڈیٹنگ کے لیے کھلا رہے گا۔
۔14 تا 16 جولائی 2021
داخلہ امتحان پر مبنی پروگراموں کے لیے ایڈمٹ کارڈ کا اجرائ
24 جولائی
میرٹ پر مبنی پروگرامس
میرٹ کی بنیاد پر داخلے کے تمام انڈر گریجویٹ / پوسٹ گریجویٹ (عام و پیشہ وارانہ) پروگرام – پُر کردہ درخواست فارم داخل کرنے کی آخری تاریخ
۔4 ستمبر 2021
میرٹ پر مبنی پروگرام کے لیے فارم ایڈیٹنگ کے لیے کھلا رہے گا۔
8 تا 10 ستمبر 2021
جز وقتی پروگرام – پُر کردہ درخواست فارم داخل کرنے کی آخری تاریخ
۔15 اکتوبر 2021
اہم لنکس
٭ ای – پراسپکٹس (انگریزی)
https://manuu.edu.in/sites/
٭ ای – پراسپکٹس (اردو )
https://manuu.edu.in/sites/
٭ رجسٹریشن کے لیے
https://manuucoe.in/
٭ داخلہ امتحان کے ماڈل پیپر کے لیے
https://manuu.edu.in/
کورسس
داخلہ امتحان کے تحت داخلے: ایسے پروگرامس میں داخلہ امتحان کے ذریعہ داخلے دیئے جائیں ان میں پی ایچ (اردو، انگریزی، ہندی، فارسی، مطالعات ترجمہ ؛ مطالعات نسواں، نظم و نسق عامہ،سیاسیات، سوشل ورک، اسلامک اسٹڈیز، تاریخ، معاشیات، سوشیالوجی؛ تعلیم؛ صحافت و ترسیل عامہ؛ مینجمنٹ، کامرس؛ ریاضی، طبیعات، کیمیا، نباتیات، حیوانیات اور کمپیوٹر سائنس)؛ پوسٹ گریجویٹ پروگرام (ایم بی اے؛ ایم سی اے ، ایم ٹیک (کمپیوٹرسائنس) اور ایم ایڈ؛ انڈر گریجویٹ پروگرام : بی ایڈ اور بی ٹیک (کمپیوٹر سائنس))؛ پیشہ ورانہ ڈپلوما ( ایلمنٹری ایجوکیشن (ڈی ایل ایڈ)؛ پالی ٹیکنک -سیول ، کمپیوٹر سائنس ، الیکٹرانکس اینڈ کمیونی کیشن ،انفارمیشن ٹکنالوجی، میکانیکل،الیکٹریکل و الیکٹرانکس) شامل ہیں۔
میرٹ کی بنیاد پر داخلوں کے کورسس میں پوسٹ گریجویٹ پروگرام ( اُردو، انگریزی، ہندی، عربی،مطالعات ترجمہ ،فارسی ؛ مطالعات نسواں، نظم و نسق عامہ، سیاسیات،سوشل ورک، اسلامک اسٹڈیز، تاریخ، معاشیات، سماجیات؛ صحافت و ترسیل عامہ؛ ایم کام اور ایم ایس سی (ریاضی))؛ انڈر گریجویٹ پروگرام (بی اے، بی اے(آنرس) ۔جے ایم سی، بی کام، بی ایس سی (ریاضی،طبیعات،کیمیا۔ایم پی سی)، بی ایس سی(ریاضی،طبیعات،کمپیوٹر سائنس،ایم پی سی ایس) اور بی ایس سی (حیاتی علوم – زیڈ بی سی)) ؛ برج (رابطہ) کورسز : مدارس کے فارغ طلبہ کے لیے برائے داخلہ انڈر گریجویٹ (بی کام/ بی ایس سی)؛ بیچلر آف ووکیشنل کورسس( میڈیکل امیجنگ ٹکنالوجی (ایم آئی ٹی) اور میڈیکل لیبارٹری ٹکنالوجی (ایم ایل ٹی) )؛ لیٹرل انٹری (بی ٹیک اور پالی ٹیکنیک میں) اور جزوقتی ڈپلوما پروگرام (اردو ، ہندی، عربی، فارسی اور اسلامک اسٹڈیز،تحسین غزل و اردو میں سرٹیفکیٹ کورس)شامل ہیں۔
داخلے کا طریقہ کار
تمام پروگراموں میں داخلے آن لائن ہوں گے۔ امیدواروں کو ایڈمیشن پورٹل پر رجسٹریشن کرنا ہوگا جس کا لنک https://manuucoe.in/
اہلیت
تمام درخواست گزاروں کے لیے لازمی ہے کہ وہ کم از کم دسویں /بارہویں / گریجویشن میں اردو میڈیم سے تعلیم حاصل کرچکے ہوں یابحیثیت زبان/مضمون اردو کامیاب ہوں یا یونیورسٹی کے منظورکردہ مماثل مدرسہ کورسز جن کا ذریعہ تعلیم اردو ہو، کامیاب ہوں ۔ تمام پروگراموں کا ذریعہ تعلیم اُردو ہے۔ منظور شدہ مدارس کی فہرست ای پراپکٹس میں دی گئی ہے۔ مختلف کورسس کے لیے اہلیت کے متعلق تفصیلات پراسپکٹس میں دیکھی جاسکتی ہیں۔
فیس
درخواست و رجسٹریشن کی عمومی زمرہ کی داخلہ امتحان پر مبنی اور میرٹ پر مبنی کورسس کی فیس بالترتیب 550 روپئے اور 350 روپئے ہے۔ ایس سی/ ایس ٹی / پی ڈبلیو ڈی/ او بی سی (نان کریمی لیئر) / خواتین امیدواروں کے لیے داخلہ امتحان پر مبنی کورسس کے لیے 350 روپئے اور میرٹ کے اساس کے کورسز کے لیے 250 روپئے ہے۔ جبکہ غیر ملکی طلبہ کے لیے داخلہ امتحان اور میرٹ پر مبنی دونوں طرح کے کورسس کی داخلہ فیس 2500 روپئے ہے۔ فیس کی ادائیگی آن لائن ہی ہوگی۔
مزید تفصیلات یا کسی وضاحت کے لیے نظامت داخلہ کو admissionsregular@manuu.
مانو کا انتخاب کیوں کریں:
اگر آپ نے اسکول یا کالج کی سطح پر اردو میڈیم میں یا اردو کو ایک زبان کے طور پر پڑھا ہو اور اعلیٰ تعلیم اردو سے حاصل کرنے کے خواہاں ہوں تو مانو آپ کی حتمی منزل ہے۔
مانو – خصوصیات:
٭ یونیورسٹی کا ہیڈ کوارٹر شہر حیدرآباد کے آئی ٹی کاریڈور گچی باﺅلی میں 200 ایکڑ کے وسیع و عریض کیمپس پر پھیلا ہوا ہے۔
٭ سرسبز و شاداب ماحول طلبہ زندگی بھر کے لیے ایک بہترین تجربہ ہوگا۔
٭ بہترین تدریس و اکتساب کی سہولیات
٭ تعلیمی ذرائع سے جڑنے کے لیے کیمپس میں وائی فائی کی سہولت
٭ لڑکوں کے 4 اور لڑکیوں کے 2ہاسٹلس
٭ طلبہ کو ضروری تازگی فراہم کرنے کے لیے انڈور اسپورٹس کمپلیکس، جم اور کرکٹ گراﺅنڈ
٭ طلبہ کی رہنمائی کے لیے کارکرد ٹریننگ اینڈ پلیسمنٹ سیل ۔ کئی کامیاب طلبہ کا سرکاری و ملٹی نیشنل کمپنیوں میں تقرر ہوچکا ہے۔
٭ مانو میں ہندوستانی تنوع کا احساس۔ کشمیر سے کیرالا اور آسام سے مہاراشٹرا تک کے طلبہ کا داخلہ
٭ حیدرآباد میں ہیڈ کوارٹر کے علاوہ مانو کے 2 سٹیلائٹ کیمپسس لکھنو ¿ اور سری نگر میں واقع ہیں۔ یونیورسٹی کالجوں کا نیٹ ورک جس میں کالج فار ٹیچر ایجوکیشن (سی ٹی ایز) دربھنگہ (بہار)، بھوپال (مدھیہ پردیش)، سری نگر (کشمیر)، اورنگ آباد (مہاراشٹرا)، سنبھل (اتر پردیش)، نوح (ہریانہ)، بیدر (کرناٹک) اور آسنسول (مغربی بنگال)؛ حیدرآباد کے علاوہ 4 پالی ٹیکنیک بنگلورو، دربھنگہ، کڑپہ (آندھرا پردیش) اور کٹک (اڈیشہ)میں موجود ہیں۔
