اداکارہ لوینا لودھ نے مہیش بھٹ کو بتایا انڈسٹری کا ڈان
October 23, 2020
فلمی ڈسک،23 اکتوبر(ذرائع / اردو پوسٹ انڈیا ڈاٹ کام) بالی ووڈ انڈسٹری میں آئے دن کوئی نہ کوئی نیا خلاصہ ہورہا ہے- اب اداکارہ لوینا لودھ نے سوشل میڈیا پر ایک ویڈیو پوسٹ کرکے سب کو حیران کردیا ہے- اس ویڈیو میں انہوں نے دعوی کیا ہے کہ فلم میکر مہیش بھٹ انہیں دھمکی دے رہے ہیں- لوینا لودھ نے اپنے ویڈیو میں خلاصہ کیا ہےکہ انہوں نے مہیش بھٹ کے بھانجے سمیت سبھروال سے شادی کی تھی اور دعوی کیا ہےکہ انکا شوہر ڈرگس سپلائی کرتا ہے- انہوں نے کہا کہ یہ ویڈیو انکی اور انکے خاندان کی حفاظت کے لیے بنایا ہے-
لوینا لودھ نے اپنے انسٹاگرام اکاؤنٹ پر ایک ویڈیو شیئر کیا ہے- اس میں انہوں نے کہا، میں نے مہیش بھٹ کے بھانجے سمیت سبھروال کے ساتھ شادی کی تھی- میں نے انکے خلاف طلاق کا معاملہ درج کیا ہے کیونکہ مجھے معلوم ہوگیا تھا کہ وہ سپنا پبی اور امائرہ دستور جیسی اداکاراؤں کو ڈرگس سپلائی کرتے ہیں- ان سبھی باتوں کی معلومات مہیش بھٹ کو ہے- انڈسٹری میں سب سے بڑے ڈان مہیش بھٹ ہیں اور وہ پورا سسٹم آپریٹ کرتے ہیں- اگر آپ انکے مطابق نہیں چلتے ہیں تو وہ آپ کا جینا حرام کردیتے ہیں-
