زوماٹو ڈیلیوری بوائے محمد اخیل احمد، سائیکل پر کرتے تھے ڈیلیوری، گفٹ میں ملی بائیک

زوماٹو ڈیلیوری بوائے اخیل احمد سائیکل پر 20 منٹ میں 9 کلومیٹر کا سفر طے کیا
 محمد اخیل احمد تھرڈ ایئر انجینرئنگ کے طالب علم ہے-
دس گھنٹوں کے اندر 60 ہزار روپے جمع ہوئے
زوماٹو پر آرڈر بک کرنے والے رابن مکیش کی مدد سے احمد کو ملی ٹی وی ایکس ایکسل بائیک

حیدرآباد، 22 جون (ذرائع) تلنگانہ میں لاک ڈاؤن کے دوران زوماٹو اور سوگی کے فوڈ ڈیلیوری بوائے آرڈر کرنے والے کسٹمر کے گھر تک ڈیلیوری کررہے تھے- لاک ڈاؤن اور کرفیو میں کئی لوگوں کی نوکری گئی، تو کئی بے روزگار ہوئے، لیکن جس کے اندر پیسے کمانے کا جذبہ ہو، وہ تمام مجبوریوں کے بعد بھی ہمت نہیں ہارتے- ایسا ہی ایک جذبہ زوماٹو کے ڈیلیوری بوائے محمد اخیل احمد کے پاس دیکھا جو سائیکل سے فوڈ ڈیلیور کرتے ہیں-

لاک ڈاؤن میں گھر میں بیٹھے لوگ جسے ہوٹل کے کھانے کی عادت ہو، موبائل ایپ سے کھانا آرڈر کرتے ہیں کچھ ہی دیر میں ڈیلیوری بوائے اس سامان کی ڈیلیوری کرنے آجاتے ہیں-

کورونا پابندیوں کی سخت پابندیوں کے درمیان ڈیلیوری بوائے کن مشکلات میں اپنی نوکری کرتا ہے، یہ کچھ ہی لوگ سمجھ پاتے ہیں- ایسے میں وہ لوگ اس ڈیلیوری بوائے کی مدد بھی کرتے ہیں-

ایسا ہی ایک معاملہ سامنے آیا ہے حیدرآباد کے کنگ کوٹھی میں- 14 جون کی رات قریب 10.30 بجے ، حیدرآباد کے کنگ کوٹھی علاقے میں رہنے والے رابن مکیش نے زوماٹو پر ایک آرڈر کیا، جسے ڈیلیوری کرنے زوماٹو کے ڈیلیوری بوائے محمد اخیل احمد نے 9 کلو میٹر سائیکل چلا کر کھانا پہچنانے پہچنے-

قریب 20 منٹ میں محمد اخیل احمد آڈر لیکر مکیش کی لوکیشن پر پہنچے، مکیش، آرڈر لینے پہنچے تو وہ اخیل کو دیکھ کر حیران رہ گئے کیونکہ وہ کھانا ڈیلیور کرنے سائیکل سے پہنچا تھا-

مکیش کو محسوس ہوا کہ اخیل نے سائیکل سے 9 کلومیٹر کی دوری صرف 20 منٹ میں طے کی ہے-

اخیل کے اس جذبے اور ہمت سے متاثر ہوکر مکیش نے اسکی ایک تصویر لی اور اسکی تعریف کرتے ہوئے فیس بک پوسٹ لکھ دیا- اس پوسٹ سے لوگوں نے تبصرے دے کر اخیل کی حوصلہ افزائی کی- لوگوں کے مثبت کمنٹس کے بعد مکیش نے اخیل کو بائیک خرید کر دینے کا فیصلہ کیا-

اسکے لیے مکیش نے اپنے ساتھیوں کے ساتھ مل کر فنڈ جمع کرنے کے لیے 15 جون سے ایک مہم شروع کی، اور 10 گھنٹوں کے اندر وہ 60 ہزار روپے جمع کرنے میں کامیاب رہے-

آخر کار اخیل کو بائیک مل چکی ہے- مکیش نے اسکی تصویریں 18 جون کو فیس بک پر شیئر کی- انہوں نے لکھا، ہیلو دوستوں ، جیسا کہ ہم نے دعوی کیا تھا، ہم نے اخیل کو ہیلمٹ ، رین کوٹ، ماسک پیکٹ اور سینٹائزر کے ساتھ ٹی وی ایکس ایکسل بائیک کی چابی دی ہے- اس بائیک کی قیمت تقریبا 65 ہزار روپئے ہیں-

بتادیں کہ 21 سالہ اخیل احمد تھرڈ ایئر انجینرئنگ کے طالب علم ہے- وہ پچھلے ایک سال سے زوماٹو کے ساتھ کام کررہے ہیں-

اخیل نے بتایا کہ اسکی مالی حالت ٹھیک نہیں ہے- اس لیے سائیکل سے ہی آرڈر ڈیلیوری کرتا ہے، اور اسکا عادی ہوچکا ہے- حالانکہ اب اخیل بائیک ملنے سے کافی خوش ہے- ساتھ ہی وہ مکیش اور مدد کرنے والے دیگر لوگوں کا شکر گذار بھی ہے-