مادھون اور دیا مرزا کی فلم رہنا ہے تیرے دل میں ، کے سیکوئل کی تیاری؟

فلمی ڈسک،23مئی (اردو پوسٹ انڈیا ڈاٹ کام) کورونا بحران میں انسٹاگرام پر لائیو چیٹ کے ذریعہ بالی ووڈ ایکٹر مادھون نے فینس کو ایک خوشخبری دی ہے۔ مادھون نے اپنے فینس کو بتایا کہ وہ فلم رہنا ہے تیرے دل میں سیکوئل پلان کررہے ہیں۔ اس لائیو چیٹ میں انکے ساتھ اس فلم کی کو۔ اسٹار دیا مرزا بھی شامل تھی۔

فلم کے سیکوئل کے بارے میں بات کرتے ہوئے دیا نے کہا کہ وہ اور مادھون پوری کوشش میں ہے کہ اس فلم کا سیکوئل آئے۔ دونوں نے اس بات کو کہا کہ وہ رینا اور میڈی کے پیار کی معصومیت کو برقرار رکھنا چاہتے ہیں۔ اور اچھی سیکوئل کے لیے کہانی تلاش کررہے ہیں۔ اس خبر سے فینس کافی پرجوش ہیں۔

 

View this post on Instagram

 

We share many things in common and one of them is our love for animals and nature 💚 This conversation is truly special because this is the first time in 19 years we have come back together ‘on screen’! #DownToEarthWithDee #NatureLove #OnePeopleOneWorld #ForPeopleForPlanet #ForNature @unep @unitednations @unsdgadvocates @uninindia

A post shared by Dia Mirza (@diamirzaofficial) on May 20, 2020 at 5:14am PDT

دیا مرزا نے اس چیٹ کا ویڈیو اپنے انسٹاگرام پر شیئر کیا ہے اور لاکھوں یوزرس اب تک اسے دیکھ چکے ہیں۔ فینس کو اب بے صبری سے اس فلم کا انتظار ہے۔ 19سال پہلے ریلیز ہوئی یہ فلم آج بھی نوجوانوں کے دل کو چھوتی ہے۔ اس فلم میں پریم کی سچائی، گہرائی اور معصومیت کی ایک ایسی داستاں تھی جو ہر پیار کرنے والا چاہتا ہے۔

رہنا ہے تیرے دل میں، دیا مرزا اور آر مادھون دونوں کی ہی ڈیبیو فلم تھی۔ اس پہلی ہی فلم کو ناظرین کو اتنا پیار ملا کہ دونوں چھا گئے۔ اس جوڑی کو آج بھی لوگ اتنا ہی پیار کرتے ہیں تو جتنا کہ تب، مادھون نے بھی اس بات کو قبول کیا کہ انکی اور دیا کی جوڑی کو پردے پر دیکھنا چاہتے ہیں۔