Type to search

ٹی وی اور فلم

ہٹ فلمیں دینے کے باوجود ایک سال تک گھر پربیٹھے رہے چنکی پانڈے

فلمی ڈسک، 23ستمبر(اردو پوسٹ ڈاٹ کام) بالی ووڈ کے 90-80 کےدہائی کے مقبول ایکٹر چنکی پانڈے کا کہنا ہے کہ کامیابی کا مزدہ چکنے کے بعد گھر پر بیٹھنا مشکل ہے۔ لیکن خود کو چھوٹی۔چھوٹی چیزوں میں مصروف رکھ کر آگے بڑھا جاسکتا ہے۔ تیزاب، آگ ہی آگ اور آنکھیں جیسی فلموں سے بالی ووڈ میں جگہ بنانے والے چنکی کو اچانک بالی ووڈ میں کام ملنا بند ہوگیا تھا، جسکے بعد انہوں نے بنگلہ دیشی فلموں کا رخ کیا۔ کچھ سال تک وہاں کام کرنے کے بعد انہوں نے ایک بار پھر ’ہاؤس فل’ اور بیگم جان’ سے بالی ووڈ میں واپسی کی۔

چنکی نے کہا ، 1993 میں آنکھیں جیسی ہٹ فلم دینے کے بعد میرے پاس کام نہیں تھا، میں ایک سال تک گھر بیٹھا رہا۔ میرے پاس صرف ایک تیسرا کون؟ نام کی فلم تھا۔ اس کے بعد مجھے بنگلہ دیش میں کام کرنے کا موقع ملا اور میری پہلی فلم سپر ہٹ رہی۔ میں وہاں تین سے چار سال تک کام کیا۔

انہوں نے کہا، شادی کے بعد، میری بیوی نے مجھ سے کہا کہ بالی ووڈ میری اصلی پہچان ہے۔ جب میں ہندی سینما میں واپس آیا۔ تومجھے احساس ہوا کہ ایک صدی مجھے پوری طرح بھول چکی ہے۔ میں نے جدوجہد کرنا شروع کیا ۔ میں لوگوں سے ملتا ، کام مانگتا اور خوش قسمتی سے مجھے کام مل گیا۔
اداکار کا کہنا ہے کہ فلم میکر ہیری باویجا ، سبھاش گھائی اور ساجد نانڈیا والا نے مجھے اپنا کیریئر دوبارہ بنانے میں مدد کی۔ انہوں نے کہا، اسکے بعد میں نے کبھی پچھے موڑ کر نہیں دیکھا۔ مجھے لگتا ہے کہ ایک اداکار کو جھجکنا نہیں چاہیئے۔ مجھے کسی بات سے کوئی فرق نہیں پڑتا۔

چنکی نے کہا کہ کامیابی کا مزہ چکنے کے بعد گھر بیٹھنا مشکل ہوتا ہے۔ اداکار نے کہا، بنا کام کے گھر پر بیٹھنے سے آپ تناؤ میں آجاتے ہیں۔ خاص کر جبکہ آپ شہرت کی بلندیاں چھو جاتے ہیں۔ اداکار کا ماننا ہے کہ خود کو مصروف رکھ کے آپ مشکل وقت کا سامنا کرسکتے ہیں۔ چنکی پانڈے آنے والی فلم جوانی جانیمن میں نظر آئیں گے۔

Tags:

You Might also Like