سورو گنگولی برتھ ڈے اسپیشل : ان سے جڑے کچھ دلچسپ واقعات
اسپورٹس ڈسک،8جولائی(اردو پوسٹ انڈیا ڈاٹ کام) آج ہندوستان کرکٹ ٹیم کے سابق کپتان سورو گنگولی کی یوم پیدائش ہے۔ اور آج وہ اپنا 48 ویں سالگرہ منارہے ہیں۔ انکی پیدائش 8 جولائی 1972 کو کولکتہ میں ہوئی۔ لوگ انہیں پیار سے دادا کے نام سے پکارتے ہیں۔ ہندوستانی قومی کرکٹ ٹیم کے لیے اوپنر بلے باز تھے۔ فی الحال ہ ہندوستانی کرکٹ کنٹرول بورڈ کے 39ویں صدر ہیں۔
سابق ہندوستانی کپتان سورو گنگولی (131 رن) نے 1996 میں لارڈز کے تاریخی میدان پر شاندار سنچری سے اپنے ٹیسٹ کیریئر کی شروعات کی، 113 ٹیسٹ میچوں میں گنگولی نے 7212 اور 311 ونڈے کھیلنے کے بعد انہوں نے 11363 رن بنائے۔ ہندوستان کی طرف سے ورلڈ کپ میں سب سے بڑا اسکور 183 انکے نام ہے۔
گنگولی آف سائڈ میں شاٹ کھیلنے میں ماہر ہیں۔ پرنس آف کولکتہ اور رائل بنگال ٹائیگر کے نام سے مشہور سورو گنگولی نے اپنے کیریئر میں کئی کامیابیاں حاصل کی۔ بتادیں کہ گنگولی بنگال کرکٹ ایسو سی اے شن کے صدر تھے۔ گنگولی کی کپتانی اور بلے بازی اسٹائل کو آج بھی یاد کیا جاتا ہے۔ ہندوستانی کرکٹ کو نئی پہچان دلانے میں گنگولی کا اہم رول ہے۔
گنگولی کی اہلیہ ڈونا روئے مشہور اوڈیسی ڈانسر ہیں۔ گنگولی اور ڈونا پڑوسی تھے اور دونوں نے گھروالوں کی مرضی کو بنا بتائے شادی کی تھی۔ بعد میں خاندان نے اس رشتے کو منظور کر لیا۔
سال 2000 میں میچ فکسنگ کے بعد جب ہندوستانی کرکٹ بحران میں تھا تب گنگولی نے ٹیم کی کمان سنبھالی اور ٹیم کو سنبھالا۔ جب وہ کپتان بنے ہندوستان کی ٹیسٹ رینکنگ 8تھی۔ جب وہ کپتانی سے ریٹائر ہوئے تو ہندوستان دوسرے مقام پر تھا۔
گنگولی کا شمار کرکٹ دنیا کے بہترین کپتانوں میں ہوتا ہے۔ گنگولی نے ونڈے میں کل 22 سنچری بنائے۔ جس میں سے 18 سنچری انہوں نے ہندوستان کے باہر بنائے۔ کپتانی کی بات کریں تو غیر ملکی سرزمین پر انکی کپتانی میں ہندوستان نے 28 ٹیسٹ میچ کھیلے، جس میں سے 11 میں جیت حاصل کی۔ گنگولی کے بارے میں بہت کم لوگ جانتے ہیں ہونگے کہ وہ اہم طور پر دائیں ہاتھ کے بلے باز تھے۔ لیکن وہ بائیں ہاتھ کے بلے باز اس لیے بنے تاکہ اپنے بھائی کا کرکٹ کا اعزاز استعمال کر سکیں۔