Type to search

بزنس

اننت امبانی۔رادھیکا مرچنٹ کی پری۔ ویڈنگ سیرومنی میں پہنچی دنیا بھر کی مشہور ہستیاں

جام نگر۔ یکم مارچ۔ 2024۔(پریس نوٹ) میٹا کے بانی مارک زکربرگ سمیت بالی ووڈ کی مشہور شخصیات، کرکٹرز، اسپورٹس اسٹارز، سربراہان مملکت اور ہندوستان اور بیرون ملک سے بزنس ٹائیکونز نے ارب پتی مکیش امبانی کے بیٹے اننت اور ان کی منگیتر رادھیکا مرچنٹ کی تین روزہ پری ویڈنگ سیرومنی میں شرکت کے لیے گجرات کے شہر جام نگر پہنچنا شروع کردیا ہے جہاں اننت امبانی ریلائنس انڈسٹریز لمیٹڈ کے سی ایم ڈی مکیش امبانی کے چھوٹے بیٹے ہیں، وہیں رادھیکا مرچنٹ انکور ہیلتھ کیئر کے سی ای او ویرن مرچنٹ کی چھوٹی بیٹی ہیں۔

اننت امبانی کچھ دیگر گروپ فرموں میں آر آئی ایل اور جیو پلیٹ فارم لمیٹڈ کے بورڈز میں ڈائریکٹر کے طور پر کام کرتے ہیں۔شادی سے پہلے کی شاندار تقریبات، جو جمعہ کو شروع ہوئی، ایک رہائشی بستی میں منعقد کی جا رہی ہیں، جو جام نگر شہر کے قریب ریلائنس انڈسٹریز لمیٹڈ کی پٹرولیم ریفائنری کے قریب واقع ہے۔

 

اننت امبانی اور رادھیکا مرچنٹ کی منگنی جنوری 2023 میں ہوئی تھی۔اس معاملے سے باخبر ذرائع نے بتایا کہ جب کہ کئی اعلیٰ شخصیات اور کاروباری رہنما پہلے ہی جام نگر پہنچ چکے ہیں، کچھ آنے والے دنوں میں یہاں آنے کی امید ہے۔

ہائی پروفائل تقریب میں شرکت کرنے والوں میں زکربرگ، سابق امریکی صدر ڈونلڈ ٹرمپ کی بیٹی ایوانکا، بیڈمنٹن چیمپئن سائنا نہوال، سابق بھارتی کپتان مہندر سنگھ دھونی، کرکٹرز راشد خان اور سوریہ کمار یادیو، سابق کرکٹر ظہیر خان،ویسٹ انڈسٹریز کے کرکٹر ڈائون بروو اور بالی ووڈ کے سپر اسٹار شاہ رخ خان، سلمان خان اور رنبیر کپور اور گلوکار انو کپور شامل تھے۔

ذرائع نے بتایا کہ پاپ اسٹار ریحانہ بھی جام نگر پہنچی ہیں اور توقع ہے کہ وہ اس تقریب میں پرفارم کریں گی۔

مائیکروسافٹ کے بانی بل گیٹس، جو پہلے ہی گجرات میں ہیں ، تقریب میں پہنچے۔یہ بھی معلوم ہوا کہ عالمی شہرت یافتہ وہم نگار ڈیوڈ بلین اور سرفہرست ہندوستانی فنکار جیسے ارجیت سنگھ، اجے۔اٹوال اور دلجیت دوسانجھ تین روزہ تہوار کے دوران سامعین کو محظوظ کریں گے۔

قطر کے وزیر اعظم محمد بن عبدالرحمن بن جاسم الثانی، بھوٹان کے بادشاہ اور ملکہ، بولیویا کے سابق صدر جارج کوئروگا، آسٹریلیا کے سابق وزیر اعظم کیون روڈ، کینیڈا کے سابق وزیر اعظم سٹیفن ہارپر اور سویڈن کے سابق وزیر اعظم کارل بلڈٹ کی بھی عظیم الشان تقریب میں شرکت کی توقع ہے۔

‘مہمانوں کی فہرست’ میں شامل چند اعلیٰ کاروباری رہنماؤں میں سعودی آرامکو کے چیئرپرسن یاسر الرمیان، بلیک راک کے چیئرمین اور سی ای او لیری فنک، ایڈوب کے سی ای او شانتنو نارائن، میٹا سی او او جیویر اولیوان، ورلڈ اکنامک فورم کے چیئرپرسن کلاؤس شواب ، ایچ ایس بی سی ہولڈنگز کے گروپ چیئرمین مارک ٹکرشامل ہیں۔

 

 

 

 

الفابیٹ کے سی ای او سندر پچائی، والٹ ڈزنی کے سی ای او باب ایگر اور بینک آف امریکہ کے چیئرمین برائن تھامس موئنہان بھی مہمانوں کی طویل فہرست کا حصہ ہیں۔

ہندوستان سے اہم شخصیات کواس تقریب کے لیے مدعو کیا گیا ہے ان میں کارپوریٹ لیڈر گوتم اڈانی، نندن نیلیکانی، سنجیو گوئنکا، عظیم پریم جی، ادے کوٹک اور ادار پونا والا، معروف فلمی شخصیات امیتابھ بچن، رجنی کانت، عامر خان، کرن جوہر انیل کپور، مادھوری دکشت، کرکٹرز سچن ٹنڈولکر، ایم ایس دھونی، روہت شرما اور روحانی پیشوا سدھ گرو جگی واسودیو سمیت دیگر اہم شخصیات شامل ہیں۔

Tags:
Ayub Khan

Ayub Khan, MA (MCJ) MANUU, Managing Editor of Urdu Post, CEO of MAKS Media.

  • 1

You Might also Like